PORGAL

Nota breve:

A Real Academia Galega, no ano de 1963, instituiu o Dia das Letras Galegas. Todos os anos, dia 17 de Maio, é homenageada uma personalidade. Homens e Mulheres que se destacaram como artistas, criadores e intelectuais galegos

No ano de 1965, n’O Dia das Letras Galegas, foi homenageado:

EDUARDO PONDAL (1835-1917)

Cando os duros machados

Cando os duros machados
feren os altos pinos,
e caen com estrondo
no chan de Bergantiños,
non , non, en vano
cal xigantes erguidos,
sin groria e sin renome,
nos seus eidos bravíos:

mais ao caer, ceibando,
os ulidores piños
se espallan na devesa
polo mato nativo,
e da semente se erguen
descendentes altivos.

Así, cando caeran
aqueles destemidos,
de nobres ideales
os boos peitos enchidos,
non caeran en vano,
en oprobioso olvido,
coma o vulgo dos homes
na escuridade extintos.

Mais o chan empapando
do sangre escrarecido,
os campos de Suevia,
dos celtas nobre asilo,
non cederan á morte,
e deixaran altivos
perdurabre semente
de vingadores fillos.

Déspotas insensatos,
forxá, forxade grillos;
pode oprimir o ferro
un corpo enfraquecido;
mais as nobres ideas
e gloriosos instintos...
eses... non pode, non, o duro ferro
nin a morte extinguilos!

(Queixume dos pinos, 1886)